علام الغيوب.. خالقي.. عالم الاسرار
وافضل صلاه على الحبيب ونوره الوهاج
المصطفى محمد الهاشمي صفوة الاخيار
الله خلق هالكون... وسن للعباد منهاج
ووضح لادم طريق الجنه من طريق النار
وحرم علينا الظلم..والعدل للعالمين سراج
والجهل بعد النور..ذنب وعيب ووصمة عار
وسن القوامه للرجل ..عالراس عز وتاج
وخص النسا بالحيا ..رمزا لهم وشعار
اصبحنا في زمن..... كلن ركب امواج
مما يشوفه العاقل ..برج عقله طار
بعض الرجال رجال..وبعض الرجال نعاج
الحر بيّن..وهذاك على شور المره سار
تدوي عليه ام الدويّه....ولاشاف ربعه هاج
ياحيف.الزول زول رجال .والعقل عقل حمار
لا حدّه الوقت......قال: ياناس انا محتاج
غشيم.... ولاني محسوب... من جملةالشطار
تكفون افزعوا....ابغا لورطتي مخراج
ولا زانت علومه ....تنكر لمعزبه وجار
مسكين... مثل هذا... يبغى لعقله علاج
وسر طبّه.. بالقران..... وكثرت الاذكار
ويالله... ياقابل توبة.... ضيوفك الحجاج
تغفر لنا وتبعدنا.... عن زمرة الاشرار
